Էրդողանի կինն անդրադարձել է թուրք-վրացական բարեկամությանը
Թուրքիայի նախագահ Ռեջեփ Թայիփ Էրդողանի կինը սոցիալական ցանցերում գրառում է կատարել Վրաստանի նախագահ Միխեիլ Քավելաշվիլիի կնոջ՝ Թամար Բագրատիոնիի հետ հանդիպման մասին:
«Մաղթում եմ, որ Թուրքիայի և Վրաստանի բարեկամությունը ամրապնդվի ընդհանուր արժեքների հիման վրա»,- ըստ ermenihaber.am-ի՝ նշել է նա։
Էմինե Էրդողանը գրառման մեջ ընդգծել է երկու երկրի միջև բարեկամական հարաբերությունների կարևորությունը: Նա նշել է, որ կապերը հիմնված են փոխադարձ վստահության և ընդհանուր արժեքների վրա:
Թուրքիայի և Վրաստանի պատմական կապերին անդրադառնալիս Էմինե Էրդողանը մաղթել է, որ այս կապերը բերեն խաղաղություն, բարգավաճում և լուսավոր ապագա երկու ժողովուրդների համար:
