ՔԿ-ն վերադարձրել է Գեղամ Մանուկյանի հեռախոսը

Քննչական կոմիտեն վերադարձրել է ԱԺ «Հայաստան» խմբակցության պատգամավոր Գեղամ Մանուկյանից հափշտակված հեռախոսը։

Հիշեցնենք՝ 2025 թ.-ի հուլիսի 10-ի վաղ առավոտյան ՀՀ քննչական կոմիտեի և ոստիկանության ծառայողների մեծաթիվ խումբը մուտք էր գործել Գեղամ Մանուկյանի բնակարան՝ այդտեղ փաստացի բնակվող որդուն՝ Տարոն Մանուկյանին խուզարկելու նպատակով։

Քննչական խմբի քննիչը պահանջել էր հանձնել նաև պատգամավորի անձնական օգտագործման բջջային հեռախոսը։

Մանուկյանը հայտարարությամբ էր հանդես եկել՝ նշելով, որ ՀՀ գլխավոր դատախազությունն ու քննչական կոմիտեն կոծկում են գողությունը։