Կրեմլը համաձայն է Թրամփի հետ, որ ռուս-ամերիկյան բիզնեսը զրոյական մակարդակի վրա է
Կրեմլը համաձայն է ԱՄՆ նախագահ Դոնալդ Թրամփի հետ, որ ռուս-ամերիկյան բիզնեսը գրեթե զրոյական մակարդակի վրա է, բայց համաձայն չէ, որ այն պետք է մնա այդ մակարդակին, ըստ РИА Новости գործակալության՝ հայտարարել է Ռուսաստանի նախագահի մամուլի քարտուղար Դմիտրի Պեսկովը։
Լրագրողները նրան խնդրել են մեկնաբանել Թրամփի այն հայտարարությունները, ըստ որոնց ռուս-ամերիկյան բիզնեսը ներկայում գրեթե զրոյական մակարդակի վրա է, և «ավելի լավ է, որ այն այդպես մնա»։
«Համաձայն եմ այն իմաստով, որ ռուս-ամերիկյան բիզնեսը իրականում զրոյական մակարդակի վրա է։ Եվ մենք չենք կարող համաձայնել, որ այն պետք է տեղում դոփի», – պատասխանել է Պեսկովը այն հարցին՝ ինչպես պետք է Ռուսաստանն արձագանքի նման հայտարարություններին։
Մոսկվայում կարծում են, որ նման համագործակցությունը կբխի թե՛ ամերիկյան, թե՛ ռուսական բիզնեսի շահերից, ընդգծել է Պեսկովը։
