Թուրքիայի բոլոր օդանավակայաններում բարձրացվել է սպառնալիքի մակարդակը հնարավոր ահաբեկչությունների պատճառով
Թուրքիայի իշխանությունները երկրի բոլոր օդանավակայաններում բարձրացրել են սպառնալիքի մակարդակը հնարավոր ահաբեկչությունների պատճառով. այս մասին գրում է ՌԻԱ «Նովոստի»-ն՝ Hürriyet թերթին հղումով:
Հիշեցնենք, որ երեկ երեկոյան Թուրքիայում երկու պայթյուն է տեղի ունեցել TUSAŞ ավիատիեզերական ընկերության գլխավոր գրասենյակի մուտքի մոտ։ Նախ մեքենա է պայթել, հետո փոխհրաձգություն է սկսվել։ Հինգ մարդ զոհվել է, 22-ը՝ վիրավորվել: Ահաբեկչության երկու իրագործողները սպանվել են։
Հարձակման հետևում կանգնած է Թուրքիայում արգելված Քրդստանի աշխատավորական կուսակցությունը, հաղորդում է Թուրքիայի ներքին գործերի նախարարությունը։
