ԱՄՆ-ն կանի ամեն ինչ Մերձավոր Արևելքում լայնածավալ հակամարտությունից խուսափելու համար. Օսթին
Պենտագոնի ղեկավար Լլոյդ Օսթինը հրաժարվել է մեկնաբանել պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեյի սպանությունը, բայց նշել է, որ Վաշինգտոնն ամեն ինչ կանի Մերձավոր Արևելքի տարածաշրջանում լայնածավալ հակամարտություն թույլ չտալու համար։ Այդ մասին Օսթինն ասել է Ֆիլիպիններում լրագրողների հետ հանդիպման ժամանակ:
«Ես չեմ կարծում, թե (Մերձավոր Արևելքում) պատերազմն անխուսափելի է: Իմ կարծիքով, միշտ տեղ և հնարավորություն կա դիվանագիտության համար, – ասել է Օսթինը:
– Այն, ինչ մենք տեսնում ենք Իսրայելի հյուսիսային սահմանին, արդեն վաղուց հարուցում է մեր մտահոգությունը…. Մենք կանենք հնարավոր ամեն ինչ տարածաշրջանում հակամարտության ծավալում թույլ չտալու համար», – ասել է նա:
Պատասխանելով Հանիյեի մահվան մանրամասների մասին լրագրողների հարցին՝ Օսթինը հայտարարել է, որ այդ հարցի վերաբերյալ «ոչ մի լրացուցիչ տեղեկատվություն չունի»:
