Ժորա Հովհաննիսյանը կխաղա հավաքականում, եթե ուժեղ լինի, Օզբիլիսից, Մխիթարյանից, Պիզելլիից․ Ռուբեն Հայրապետյան
Հայաստանի հանրային հեռուստաընկերության «Լրացուցիչ ժամանակի» հյուրն այս պահին Հայաստանի ֆուտբոլի ֆեդերացիայի նախագահ Ռուբեն Հայրապետյանն է։
Անդրադառնալով ուզբեկական «Պախտակորում» հանդես եկող Ժորա Հովհաննիսյանի՝ Հայաստանի ազգային հավաքականից հրավեր ստանալու հնարավորությանը՝ Ռուբեն Հայրապետյանն ասել է, որ Ժորա Հովհաննիսյանը մի քանի անգամ հրավեր ստացել է հավաքականից, նրա հետ փորձել են կապվել, սակայն Ժորան չի պատասխանել։ ՀՖՖ նախագահի խոսքերով՝ ինքը լավ հարաբերություններ է ունեցել Խորեն Հովհաննիսյանի հետ, սակայն հիմա չի շփվում նրա հետ։ Ռուբեն Հայրապետյանը նշել է, որ իր անձնական հարաբերությունները չեն ազդում ֆեդերացիայի գործընթացների վրա և Ժորա Հովհաննիսյանը կհրավիրվի հավաքական, եթե ավելի ուժեղ խաղա Հենրիխ Մխիթարյանից, Մարկոս Պիզելլից և Արազ Օզբիլիսից։
Մարզական լրահոսն ապահովում է SportArmenia.com-ը
