Ստամբուլում եկեղեցու վրա հարձակման գործով 47 անձ է բերման ենթարկվել
Թուրքիայի ոստիկանությունը հունվարի 28-ին Ստամբուլի կաթոլիկ եկեղեցում տեղի ունեցած հրաձգությանը մասնակցելու կասկածանքով 47 մարդու է բերման ենթարկել։
«Եկեղեցու վրա զինված հարձակման գործի հետաքննության շրջանակում գործողություններ են իրականացվել 30 հասցեներում, բերման է ենթարկվել 47 մարդ, այդ թվում՝ Ռուսաստանի և Տաջիկստանի մեկական քաղաքացիներ, որոնք կարող են կապված լինել «Իսլամական պետության» հետ», – լրագրողներին հայտնել է Թուրքիայի ներքին գործերի նախարարը։
Հունվարի 28-ին երկու զինված անձ հարձակվել էին Ստամբուլի եվրոպական մասի Սարիեր թաղամասում գործող Սուրբ Մարիա կաթոլիկ եկեղեցու վրա, ինչի հետևանքով զոհվել էր 1 անձ։
