ՄԱԿ-ի դատարանը հունվարի 26-ին կհրապարակի Գազայի հատվածի ցեղասպանության հայցով կանխարգելիչ միջոցառումների մասին որոշումը
Հունվարի 26-ին Արդարադատության միջազգային դատարանը կհրապարակի Գազայի հատվածում հնարավոր ցեղասպանության համար Իսրայելի դեմ Հարավաֆրիկյան Հանրապետության հայցի կանխարգելիչ միջոցառումների վերաբերյալ որոշումները։ Այս մասին հաղորդվում է դատարանի կայքում։
Հարավաֆրիկյան Հանրապետությունը 2023 թվականի դեկտեմբերի 29-ին Հաագայի Արդարադատության միջազգային դատարանում հայց է ներկայացրել ընդդեմ Իսրայելի՝ Ցեղասպանության հանցագործության կանխարգելման և պատժի մասին կոնվենցիայի հնարավոր խախտման համար:
Փաստաթղթում ասվում է, որ Իսրայելի իշխանությունների գործողությունները ցեղասպանություն են, քանի որ դրանք իրականացվում են Գազայում պաղեստինցիներին ոչնչացնելու հատուկ մտադրությամբ՝ որպես ավելի լայն պաղեստինյան ազգային, ռասայական և էթնիկ խմբի մաս:
Հարավաֆրիկյան կողմը դատարանին խնդրել է կանխարգելիչ միջոցներ կիրառել՝ պաշտպանելու Պաղեստինի բնակչությանը ցեղասպանության կոնվենցիայով իրենց իրավունքների հետագա, լուրջ և անուղղելի խախտումներից և ապահովելու Իսրայելի պարտավորությունների կատարումը կոնվենցիայով։
