Իսրայելի ռազմական գործողությունների հետևանքով Գազայում զոհերի թիվը մոտենում է 25 հազարի
Իսրայելի ռազմական գործողությունների հետևանքով Գազայի հատվածում զոհվածների թիվը մոտենում է 25 հազարի:
Ինչպես հաղորդում է «ՏԱՍՍ»-ը, այս մասին հայտնում է պաղեստինյան անկլավի առողջապահության նախարարությունը:
«Նախորդ տարվա հոկտեմբերի 7-ից Իսրայելի ռազմական գործողությունների հետևանքով Գազայի հատվածում զոհերի թիվը հասել է 24 հազար 927-ի, վիրավորվել է 62 հազար 388 մարդ»,- ասվում է հաղորդագրության մեջ։
Առողջապահության նախարարությունն ընդգծում է՝ վերջին 24 ժամվա ընթացքում Գազայի հատվածում զոհվել է 165 մարդ, 280-ը վիրավորվել է: Զոհվածներից մի քանիսի մարմինները դեռ մնում են ավերված շենքերի փլատակների տակ և անկլավի ճանապարհներին:
