«Օպելի» 48-ամյա կին ուղևորը մահացել է․ 3 անձ տեղափոխվել է հիվանդանոց
Հունվարի 12-ին, ժամը 7.30-ին, Երևանի Մամիկոնյանց փողոցում իրար են բախվել «Օպել» և «ԲՄՎ» մակնիշի մեքենաներ, ինչից հետո «Օպելը» բախվել է մայթեզրին կայանված «Նիսանին», իսկ «ԲՄՎ»-ն՝ «Հոնդա» մակնիշի մեքենային: Հայտնում են ՀՀ ոստիկանությունից:
«Օպելի» 48-ամյա ուղևոր Գոհար Ներսիսյանը մահացել է, իսկ վարորդը և «ԲՄՎ»-ի երկու ուղևորները մարմնական վնասվածքներով տեղափոխվել են հիվանդանոց:
Նախաձեռնվել է քրեական վարույթ:
