Էդվարդ Նալբանդյանի ընտանիքը բնակվում է Փարիզո՞ւմ. մամուլ
««Ժողովուրդի» լավատեղյակ աղբյուրների փոխանցմամբ՝ ՀՀ արտաքին գործերի նախարար Էդվարդ Նալբանդյանի ընտանիքն ապրում է Ֆրանսիայի մայրաքաղաք Փարիզում: Դա է պատճառը, որ Նալբանդյանը իր գրեթե բոլոր պաշտոնական այցերը կատարում է Փարիզ մուտք գործելով:
Սակայն ԱԳ նախարարի մամլո խոսնակ Տիգրան Բալայանը, մեր գրավոր հարցմանն ի պատասխան, նշել է. «Ձեր տեղեկությունները իրականությանը չեն համապատասխանում, ԱԳ նախարար Էդվարդ Նալբանդյանի ընտանիքը բնակվում է Երևանում: Սխալ է նաև տեղեկությունը, թե բոլոր այցերի մեկնելիս ԱԳ նախարարը կատարում է Փարիզ մուտք գործելով»:
Բայց քանի որ ԱԳՆ-ն սովորություն ունի մշտապես հերքել անգամ անհերքելի տեղեկությունները, ուստի «Ժողովուրդը» տվյալ դեպքում հակված է վստահել իր աղբյուրներին»,- գրում է «Ժողովուրդ» օրաթերթը:
