Ի՞նչ կպատահի Մեծ Բրիտանիայի վարչապետի հետ, եթե նա որոշի վերանայել կամ էլ կասկածի տակ առնել «Մագնա Կարտան». Կարպիս Փաշոյան
Կարմիր Փաշոյանը գրում է. «Ի՞նչ կպատահի Մեծ Բրիտանիայի վարչապետի հետ, եթե նա որոշի վերանայել կամ էլ կասկածի տակ առնել «Մագնա Կարտան»։
Ի՞նչ ճակատագրի կարժանանա Ֆրանսիայի նախագահը, եթե փորձի վերանայել Ֆրանսիական Մեծ հեղափոխության ամրագրած «Մարդու և քաղաքացու իրավունքների հռչակագիրը»։
Արդյոք ԱՄՆ-ում որևէ մեկը կարո՞ղ է ոտնձգություն գործել Սահմանադրության և «Ֆեդերալիստի» նկատմամբ։
Վստահաբար այսպիսի ցանկացած փորձ կարժանանա հասարակությունների հուժկու դիմադրությանն ու համանման նախաձեռնությամբ մարդիկ անմիջապես քաղաքական դիակի կարգավիճակով դուրս կշպրտվեն իրենց աշխատասենյակներից։ Թերևս հենց սա է շարունակակական, ինստիտուցիոնալ կայացած, արժեքների վրա խարսխված պետության և փաշինյանական օջախապետության ամենաառանցքային տարբերությունը»:
