Հ1-ում ծանր են տարել Ջաղինյանի՝ Հանրային հեռուստառադիոընկերության խորհրդի նախագահ ընտրվելը. մամուլ
«Ռուբեն Ջաղինյանի՝ Հանրային հեռուստառադիոընկերության խորհրդի նախագահ ընտրվելը Հ1-ում ծանր են տարել: Նրա հետ շատերն են առնչություն ունեցել և հիմնականում կարծում են, որ Ջաղինյանի հետ աշխատել չի լինելու, ուստի հեղինակային հաղորդումների ու ծրագրերի մեջ ներգրավված որոշ անձինք սկսել են «ճամպրուկները հավաքել»»,- գրում է «Հրապարակ» օրաթերթն ու հավելում.
«Ջաղինյանի ընտրությունը խոսում է նաև այն մասին, որ Հանրայինում ոչինչ չի փոխվելու՝ նա շարունակելու է պահպանել Ալիկ Հարությունյանի «անգլիական թագուհու» կարգավիճակը, իսկ քաղաքական-լրատվական մասը հիմնականում կոորդինացնելու է Գևորգ Ալթունյանը՝ նախագահականի անմիջական ղեկավարման ներքո»:
