«Դրանք չպետք է գոյություն ունենան». ինչ է տեսել Ջեյմս Ուեբ աստղադիտակը

Աստղագետները նկատել են մի քանի նոր գալակտիկաներ, որոնք ձևավորվել են Մեծ պայթյունից անմիջապես հետո: Նրանց մեջ ամենաուշագրավը հսկա զանգվածն է։ Համաձայն բոլոր գոյություն ունեցող մոդելների, նման գալակտիկաները պարզապես չէին կարող առաջանալ տիեզերքում վաղ Տիեզերքի դարաշրջանում:

Ընդհանուր առմամբ, հայտնաբերվել է վեց անոմալ մեծ գալակտիկա: Դրանք դիտարկվում են Ջեյմս Ուեբի հզոր տիեզերական աստղադիտակի միջոցով, հայտնում է Nature ամսագիրը:

Գալակտիկաների միացյալ զանգվածը հարյուր-միլիարդավոր անգամ ավելի մեծ է, քան մեր Արեգակի զանգվածը։ Միևնույն ժամանակ, գալակտիկաները բավականին հին են. դրանք առաջացել են գրեթե անմիջապես Մեծ պայթյունից հետո, որը տեղի է ունեցել մոտ 3,8 միլիարդ տարի առաջ:

Զանգվածի և տարիքի անհամապատասխանությունը գիտնականներին տանում է փակուղի։ «Մեր հայտնաբերած վեց գալակտիկաները ավելի քան 12 միլիարդ տարեկան են: Մեծ պայթյունից հետո ընդամենը 500-700 միլիոն տարվա ընթացքում դրանք հասնում են մեր Արեգակի զանգվածից 100 միլիարդ անգամ մեծ չափերի: Սա չափազանց շատ է ներկայիս մոդելների շրջանակներում գոյություն ունենալու համար»,- ասում են Ավստրալիայի Սվինբերնի տեխնոլոգիական համալսարանի մասնագետները:

«Այս հայտնագործությունը կարող է փոխել մեր պատկերացումներն այն մասին, թե ինչպես են առաջացել տիեզերքի ամենավաղ գալակտիկաները», – եզրակացնում են փորձագետները: Նրանք շարունակում են ուսումնասիրել հայտնաբերված անոմալիաները՝ պարզելու, թե կոնկրետ ինչպես են դրանք առաջացել։ Ենթադրվում է, որ գտածոներն իրականում պատկանում են նոր գերզանգվածային սև խոռոչների անհայտ դասին:

Սիրարփի Աղաբաբյան