Ավստրալիայի բաց առաջնության կանանց մենախաղի եզրափակիչի մասնակիցները հայտնի են
Թենիսի Ավստրալիայի բաց առաջնության կանանց մենախաղի եզրափակիչ փուլի մասնակիցները հայտնի են:
Ավստրալիայի բաց առաջնության կանանց մենախաղի կիսաեզրափակիչում Ելենա Ռիբակինան երկու սեթերում գերազանցեց Վիկտորիա Ազարենկոյին: Խաղը տևել է 1 ժամ 42 րոպե:
Կիսաեզրափակիչի մյուս խաղում բելառուս Արինա Սաբալենկոն մոտ 1,5 ժամ տևած մրցախաղում հաղթեց լեհ Մագդա Լինետին` 7:6, 6:2 հաշվով:
Կանանց մենախաղի եզրափակիչը կկայանա հունվարի 28-ին:
Թենիսի Ավստրալիայի բաց առաջնությունը «Մեծ սաղավարտի» տարվա 4 գլխավոր մրցաշարերից մեկն է: Այն անցկացվում է Ավստրալիայի Մելբուռն քաղաքում կոշտ ծածկույթի վրա: Ավստրալիայի բաց առաջնությունն առաջին անգամ անցկացվել է 1905 թվականին: 2022 թվականին Aus Open-ի տղամարդկանց մենախաղում հաղթել է Ռաֆայել Նադալը, իսկ կանանց մրցապայքարում` Էշլի Բարտին:
