Հայաստանին հատկացվել է 119 տեղ՝ ՌԴ բուհերում սովորելու համար
ՀԱՊԿ համագործակցության շրջանակներում անձի, հասարակության և պետության անվտանգության ապահովման ոլորտի բակալավրի ու մասնագետի պատրաստման ծրագրերով ՀԱՊԿ անդամ պետությունների քաղաքացիները 2013 թ. կարող են ուսանել ՌԴ կրթական հաստատություններում` Ռուսաստանի դաշնային բյուջեի ֆինանսավորմամբ։
ՌԴ կրթության և գիտության նախարարության ենթակա բարձրագույն ուսումնական հաստատություններում Հայաստանին հատկացվել է 119 տեղ` տարբեր մասնագիտությունների գծով (պաշտպանությունն արտակարգ իրավիճակներում, հրդեհային անվտանգություն, շրջակա միջավայրի պահպանություն, ավտոմատացված համակարգերի տեղեկատվական անվտանգություն, ռադիոէլեկտրոնային համակարգեր, միջազգային հարաբերություններ, կրոնագիտություն, թռչող ապարատների տեխնիկական շահագործում և այլն)։
