Երգչուհի Էլլա Տարունցն ու Մագան զուգերգ ունեն
Երգչուհի Էլլա Տարունցն ու իր ընկերուհին՝ Մագան, շուտով հանրությանը կներկայանան զուգերգով: Այս մասին նրանք հայտնել են ArmStar.am-ին: Երգը կոչվում է՝ «Ասա ինձ»:
Երաժշտության հեղինակը Էլլա Տարունցն է, խոսքերի հեղինակը՝ Լիլի Հովերը: Ինչպես ArmStar.am-ին տեղեկացրել է Մագան, երգն ընկերության մասին է: Երգչուհիներն ի սկզբանե մտադրություն չեն ունեցել երգի հիման վրա տեսահոլովակ նկարահանել, սակայն, ինչպես Մագան է նշել, արձագանքներից հետո հնարավոր է՝ այն նկարահանվի:
Երգչուհի Էլլա Տարունցը, բացի Մագայի հետ համագործակցելուց, հանդես կգա նաև երգիչ Սարգիս Ավետիսյանի հետ համատեղ աշխատանքով, որը հանդիսատեսի դատին կներկայացվի փետրվարի վերջին:
