Այս ամռանը ԵՄ-ում հրդեհներից ռեկորդային 700 հազար հեկտար անտառ է ոչնչացել. ԵՀ
Անտառային հրդեհները 700 հազար հեկտար անտառ են ոչնչացրել Եվրամիության (ԵՄ) երկրներում, ինչը բացարձակ ռեկորդ է դիտարկումների ամբողջ պատմության ընթացքում: Օգոստոսի 18-ին այդ մասին Բրյուսելում կայացած ճեպազրույցում հայտարարել է Եվրահանձնաժողովի (ԵՀ) ներկայացուցիչ Բալաշ Ույվարին:
«Մինչեւ այս պահն այս ամռանն անտառային հրդեհները ոչնչացրել են 700 հազար հեկտար անտառ: ԵՄ-ի երկրներն ինն անգամ դիմել են ԵՄ-ի քաղաքացիական պաշտապանության մեխանիզմի ակտիվացմանը, Միության երկրները կրակի դեմ պայքարի համար ուղարկել են 29 ինքնաթիռ, ութ ուղղաթիռ եւ 370 հրշեջների»,- հայտարարել է նա, հաղորդել է ՏԱՍՍ-ը:
