Պենելոպե Քրուզի քույրը դիմել է արհեստական բեղմնավորման (լուսանկարներ)
Իսպանուհի հայտնի դերասանուհի Պենելոպե Քրուզի քույրը` թոփ-մոդել Մոնիկա Քրուզը, հաստատել է տեղեկությունները, որ երեխայի է սպասում: Ինչպես հաղորդում է woman.ru-ն, 35-ամյա մոդելը տեղեկացրել է, որ հղիացել է արհեստական բեղմնավորման միջոցով: «Ինձ հաջողվեց իրականացնել ամբողջ կյանքիս երազանքը: Շուտով ես մայր եմ դառնալու»,- ասել է Քրուզը: Մոնիկայի խոսքով՝ ինքը չի ցանկացել սպասել՝ մինչև իր «կենսաբանական ժամացույցները կանգ կառնեն»:
«Իհարկե, մոտ 40 տարեկան կինը երիտասարդ է: Ոչ ոք չի վիճում, որ նա երիտասարդ տեսք ունի, և զգում է, որ կյանքը նոր է սկսվում: Միևնույն ժամանակ, չպետք է մոռանալ մայրանալու տարիքի մասին: Բժիշկներն ինձ խորհուրդ տվեցին առաջին երեխան ունենալ հենց այս տարիքում՝ 35 տարեկան հասակում: Պարզվում է՝ 37 տարեկանից հետո երեխա ունենալու հավանականությունը կտրուկ նվազում է»:
