ԱՄՆ-ում բրիտանահպատակին մեղավոր են ճանաչել Իրանին հրթիռների բաղադրատարրեր վաճառելու փորձի մեջ
Sky News հեռուստաալիքի փոխանցմամբ՝ բրիտանահպատակ Քրսիտոֆեր Տապինը, որին արտահանձնել էին ամերիկյան Տեխաս նահանգ, մեղավոր է ճանաչվել Իրանին հրթիռների բաղադրատարրեր վաճառելու փորձի մեջ:
Նա փորձել է Իրանին վաճառել արծաթե-ցինկե մարտկոցներ, որոնք գործածվում են հակահրթիռային պաշտպանության հրթիռներում: Տապինը փորձել է դրանք Իրան հասցնել Ամստերդամի միջոցով, սակայն գնորդի դերում հանդես են եկել ամերիկյան Հետաքննություններ դաշնային բյուրոյի գործակալները:
Տեխասի դատարանը նրան մեղավոր է ճանաչել՝ տուգանելով 11.200 դոլարով և ազատազրկելով 33-ամսյա ժամկետով: Նշվում է, որ Տապինն իր ազատազրկումը կրելու է հայրենիքում՝ Մեծ Բրիտանիայում:
