Օբաման ԿՀՎ ղեկավարի պաշտոնում այսօր առաջադրելու է Ջոն Բրեննանի թեկնածությունը
Ամերիկյան Associated Press լրատվական գործակալությունը, վկայակոչելով Սպիտակ տանն ունեցած աղբյուրները, հայտնում է, որ ԱՄՆ նախագահ Բարաք Օբաման Կենտրոնական հետախուզական վարչության (ԿՀՎ) ղեկավարի պաշտոնում այսօր առաջադրելու է ահաբեկչության դեմ պայքարի գծով իր օգնական Ջոն Բրեննանի թեկնածությունը:
Բրեննանը 2001 թվականի սեպտեմբերի 11-ի ահաբեկչությունից հետո գլխավորում էր Ահաբեկչության դեմ պայքարի ազգային կենտրոնը: 2012 թվականի նոյեմբերին ԿՀՎ նախկին ղեկավար, գեներալ Դևիդ Պետրեուսի սկանդալային հրաժարականից հետո ԿՀՎ ղեկավարի պարտականությունները ժամանակավորապես կատարում էր Մայքլ Մորելը, ով դրանից առաջ զբաղեցնում էր ԿՀՎ փոխտնօրենի պաշտոնը:
ԱՄՆ նախագահի աշխատակազմի ներկայացուցիչն իր հերթին հաստատել է, որ Պենտագոնի ղեկավարի պաշտոնում ներկայացրվել է նախկին հանրապետական սենատոր Չակ Հեյգելը:
