Սոչիից Երևան մեկնած ինքնաթիռը հարկադիր վայրէջք է կատարել
Ռուսական ИТАР-ТАСС լրատվական գործակալության փոխանցմամբ` Սոչիից Երևան մեկնող Boeing-737-500 ինքնաթիռը տեխնիկական խնդիրների պատճառով վերադարձել է ռուսական քաղաք: Այս մասին հայտնել է «Դոն Ավիա» ավիաընկերությունը, որին պատկանել է տվյալ օդանավը:
Վերջինս Սոչիից Երևան է մեկնել այսօր՝ ժամը 07.15-ին, սակայն թռիչքի ժամանակ ինքնաթիռի անձնակազմն աննշան անսարքություն է հայտնաբերել և որոշել է հարկադիր վայրէջք կատարել Սոչիում:
Ինքնաթիռում գտնվել է 81 ուղևոր, որոնցից 12-ը երեխաներ են, ինչպես նաև 5 հոգանոց անձնակազմը: