ՊՆ-ն մեկ անձից մի քանի հարյուր միլիոն դրամի գնում է կատարել
Պետական կառավարման համակարգում գնումների գործընթացը շարունակում է կազմակերպվել առանց մրցույթների. գերատեսչությունները շարունակում են միլիոնավոր դրամների գնումներ կատարել մեկ անձից՝ զրկելով տարբեր ընկերությունների մրցույթների մասնակցելու հնարավորությունից։
Այս շաբաթ մեկ անձից մի քանի հարյուր միլիոն դրամի գնում կատարած գերատեսչությունը Պաշտպանության նախարարությունն է, որը 2021 թվականի բյուջեով նախատեսված գումարի տնտեսումից գոյացած միջոցների վերաբաշխումների հաշվին միլիոնավոր դրամների մեկ անձից գնում է կատարել։
Կառավարության ընդունած որոշման համաձայն՝ 2021թ. պետական բյուջեով Պաշտպանության նախարարությանը նախատեսված ընդհանուր հատկացումների շրջանակներում պատերազմական գործողությունների արդյունքում կրած կորուստների վերականգնման, ռազմական ճանապարհների սպասարկման և խրամատների ու խրամուղիների սարքավորման նպատակով Պաշտպանության նախարարությանը բյուջեով հատկացված գումարի տնտեսումների արդյունքում կուտակված միջոցները ուղղվել են՝
հրամանատարական մարդատար մեքենաների կորուստների վերականգնմանը` 465.000,0 հազար դրամ արագաշարժ բուլդոզերներով համալրմանը` 187.500,0 հազար դրամ
խրամատների և խրամուղիների սարքավորմանը` 52.000,0 հազար դրամ
պետական կամ ծառայողական գաղտնիք պարունակող ձեռքբերումներին` 325.327,8 հազար դրամ:
