Գագիկ Ծառուկյանի որոշումը չի ուրախացրել առողջապահության նախարարին. մամուլ
«ՀՀԿ համագումարին մասնակցող առողջապահության նախարարից մեր թղթակիցը փորձել է իմանալ` ճի՞շտ են տեղեկությունները, որ Գագիկ Ծառուկյանի չաոաջաղրման առիթով համ ինքը, համ էլ Հարություն Քուշկյանը ահավոր շատ են ուրախացել: Ու թե Քուշկյանի ուրախության շարժառիթները հասկանալի են` գլուխներն ազատեցին քյալլա տալուց, ապա ի՞նքն ինչու է ուրախացել:
«Չէ, ես ուրախ եմ ընդամենը մեր որոշումից, որ քիչ հետո կկայացնենք կուսակցությունով` առաջադրելով մեր թեկնածուին առաջիկա հինգ տարիների համար»: Չէ, ասում են` ուրախացել եք, որ կմնաք Ձեր պոստին: «Ինչ վերաբերում է Գագիկ Ծառուկյանի չառաջադրմանը, ապա ես ուրիշ կուսակցությունների որոշումներից ոչ տխրում, ոչ էլ ուրախանում եմ»,- ասել է Դերենիկ Դումանյանը»,- գրում է «Հրապարակ» օրաթերթը:
