Քոչարյանի համար տղամարդկությունը դրսևորելու լավ ժամանակն է. մամուլ
«Լևոն Տեր-Պետրոսյանը 2007թ. իրեն վստահված քաղաքական պենալտին չխփեց: ժողովրդի կողմից հնարավորություններ տրվում են մեկ անգամ: Երկրորդը չի տրվի: Որպես քաղաքական և տակտիկական առումներով մարտունակ թեկնածու, կարծում եմ` ժողովուրդն այլևս նրան չի վստահի: Կես միլիոնանոց բանակը ոտքի տակ` պատրաստ իշխանությունը վերցնելուն, նա պասիվ տակտիկա որդեգրեց: Այսօր ոչ այդ կես միլիոնը կլինի, ոչ կ, կարծում եմ, նրա զինանոցն է ավելի ռազմատենչ: Բոնապարտը կասեր՝ ամենափառահեղից մինչև ամենաստորինն ու նողկալին մեկ բայլ է: Լևոն Տեր-Պետրոսյանը կորցրեց իր պատմական պահը»,- Aravot.am-ին իր դիտարկումներն է ներկայացրել Հայաստանի մարքսիստական կուսակցության նախագահ Դավիթ Հակոբյանը»,- գրում է «Առավոտ» օրաթերթն ու հավելում.
«Մարքսիստը, նաև գաղափարական աոումով, աոաջին նախագահի մուտքը չի ընդունում. «Առ այսօր ՀՀՇ-ն նոր երգեր իր զինանոցում չի հորինել: Նույն ռեպերտուարն է, նույն աղիողորմ քամանչան, նույն դասական լիբերալիզմի շառլատանությունը»: Դ. Հակոբյանը նաև արձանագրում է, որ դրական և բացասական կողմերով հանդերձ` աոաջին նախագահն իր ազգի համար շատ մեծ գործեր է կատարել ու պատմության մեջ իր ուրույն տեղն ունի. «Նա հանգիստ կարող է իր անցած քաղաքական ուղով մտնել էնշպիլ` իմանալով, որ ժամանակին տարել է իր պատմական աոաքելությունն այնքանով, որքանով կարողացել է: Համենայնդեպս, իր պրոգրեսիվ և ռեգրեսիվ գործերով հայ ժողովրդի պատմության մեջ իր ուրույն տեղը կունենա»:
Մարքսիստական կուսակցության նախագահը «արքունիքից»` նախագահական նստավայրից, տեղեկություններ ուներ, որոնցով կիսվեց: Մասնավորաբար, նրա տեղեկություններով` ԲՀԿ-ն Սերժ Սարգսյանի հետ դեռ սակարկում է վարչապետի աթոռը` Աժ նախագահ Հովիկ Աբրահամյանի համար: Ինքը` Դավիթ Հակոբյանը, գերադասում է վարչապետի պաշտոնում տեսնել Ռոբերտ Քոչարյանին, քան թե Հովիկ Աբրահամյանին:
Ռոբերտ Քոդարյանի` նախագահական մրցապայքար մտնելու հավանականության մասին էլ ասում է. «Համենայնդեպս, նա այն դինոզավրիկն է, որն այսօրվա ՀՀԿ-ական դինոզավրիկների հետ կարող է դուրս գալ արենա: Կարծում եմ` իր քաղաքական գիշատչությամբ միակ մարդն է, ով կարող է կանգնեցնել ՀՀԿ-ականների հաղթարշավը: Եթե նա իր իսկ կողմից արտասանված կարգախոսին հավատարիմ է մնացել, ապա Քոչարյանի համար տղամարդկությունը դրսևրելու լավ ժամանակն է: Մտիր, և եթե ուզում ես ծաոայել քո ժողովրդին, նոր պետական մեքենա ձևավորիր՝ անցյալի սխալների վրա: Բայց կարծում եմ, որ նա այդքան համարձակություն չի ունենա` մտնելու քաղաքական թատերաբեմ: Ոչ միայն բարոյական արժեքային համակարգի աոումով ինքն իրեն անվստահ կզգա, այլև, կարծում եմ, իշխանություն վերադարձի համար նա տակտիկական այլ հնարքներ կկիրառի»:
Մարքսիստն առավել հնարավոր է համարում Քոչարյանի վերադարձը քաղաքականություն իբրև վարչապետ, այն էլ` 2018-ի նախապատրաստական աշխատանքներում` իշխանությունը փոխանցելու աոումով: Բայց եթե Քոչարյանը վերադառնա, որպես հայրենասեր` դեն շպրտելով իր արատավոր կողմերը, մարքսիստը գրեթե վստահ է, որ դրական զարգացումներ Հայաստանում կլինեն, քանի որ, նրա համոզմամբ, մեր երկիրը «կոշտ ձեռքի» կարիք ունի»:
