Բրյուսել` Ծառուկյանի գլխավորությամբ
Դեկտեմբերի 4-ից 6-ը տեղի է ունենալու «Բարգավաճ Հայաստան» կուսակցության խորհրդարանական պատվիրակության աշխատանքային այցը Բրյուսել: Այս մասին հաղորդում է ԲՀԿ պաշտոնական կայքը:
Պավիրակությունը կգլխավորի «Բարգավաճ Հայաստան» կուսակցության նախագահ Գագիկ Ծառուկյանը:
Նախատեսված են հանդիպումներ Եվրոպական խորհրդարանի, Եվրոպական հանձնաժողովի, ԵՄ արտաքին գործերի գործակալության բարձրաստիճան պաշտոնյաների, Եվրոպական խորհրդարանի խմբակցությունների ղեկավարների, ինչպես նաև հայ համայնքի հետ:
Պատվիրակության ընդլայնված կազմով հանդիպումներից բացի ԲՀԿ նախագահը կունենա նաև առանձին պաշտոնյաների հետ հանդիպումներ:
Այցի ավարտին «Բարգավաճ Հայաստան» կուսակցության նախագահ Գագիկ Ծառուկյանի անունից կտրվի ընթրիք՝ Բելգիայի հայ համայնքի պատասխանատուների մասնակցությամբ:
