«Ես Ալիսոնի համար երկու անգամ ավելի կվճարեի, եթե իմանայի, որ նա այսքան լավն է». Կլոպ
«Լիվերպուլի» գլխավոր մարզիչ Յուրգեն Կլոպը գոհ է դարպասապահ Ալիսոնի խաղից: Այս մասին նա խոսել է Չեմպիոնների լիգայի խմբային փուլի վերջին տուրի՝ «Նապոլիի» հետ հանդիպումից հետո (1:0):
«Ես Ալիսոնի համար երկու անգամ ավելի կվճարեի, եթե իմանայի, որ նա այսքան լավն է: Նրա սեյվը «Նապոլիի» հետ խաղում միակը չէր:
Նա «Նապոլիի» հետ խաղում շատ աշխատանք ունեցավ: Որքան հրաշալի և վարպետորեն է նա վարվում գնդակի հետ: Դա շատ է օգնում մեզ մի շարք իրավիճակներում:
Նրա սեյվն այս խաղում անհավանական էր»,- ասել է Կլոպը:
Հիշեցնենք, որ Ալիսոնն ամառային տրանսֆերային պատուհանի ժամանակ տեղափոխվեց անգլիական ակումբ «Ռոմայից»՝ 67 միլիոն եվրոյի դիմաց:
Սիրարփի Աղաբաբյան
