Թուրքիայում արագընթաց գնացքը բախվել է լոկոմոտիվին. կա 4 զոհ, 43 վիրավոր
Անկարայից դեպի Քոնիա ուղևորվող արագընթաց գնացքի 3 վագոն դուրս է եկել ռելսերից և կողաշրջվել: Վթարի հետևանքով զոհվել է 4, վնասվածք ստացել՝ 43 քաղաքացի:
Թուրքական աղբյուրի փոխանցմամբ` վթարը տեղի է ունեցել վաղ առավոտյան: 80-90 կմ/ժ արագությամբ ընթացող գնացքը բախվել է լոկոմոտիվին:
Դեպքի վայր են ժամանել շտապօգնության և փրկարարական մի քանի խմբեր: Վնասվածք ստացած ուղևորներն անմիջապես հոսպիտալացվել են:
Թուրքիայի տրանսպորտի նախարարությունը հայտարարել է, որ լոկոմոտիվը չպետք է գտնվեր այդ ռելսերում: Վթարի պատճառը դեռևս հայտնի չէ: Կատարվում է պատահարի հետաքննություն:
