Աստղակերպի վրա իջեցված ճապոնական ռոբոտները նոր լուսանկարներ են ուղարկել
Ճապոնական օդատիեզերական գործակալությունը (JAXA) հրապարակել է նոր լուսանկարներ, որոնք երկու ռոբոտների կողմից արվել են աստերոիդի մակերեւույթի վրա։
Լուսանկարներում երեւում է Ռյուգու անվանումով հայտնի տիեզերական մարմնի մակերեւույթը: Ռոբոտները Ռյուգուի մակերեւույթին են իջեցրել սեպտեմբերի 21-ին «Հայաբուսա-2» զոնդի կողմից, որը աստղակերպին է հասել հունիսին՝ երեքուկես տարվա թռիչքից հետո:
Նոր լուսանկարներւմ երեւում է տիեզերական մարմնի քարքարոտ ռելիեֆը: Ներկայում ռոբոտները, որոնց հետազոտողներն անվանում են «Ռովեր IA» եւ «Ռովեր IB», աշխատում են աստերոիդի մակերեւույթին, հաղորդել է ՌԻԱ Նովոստին:
