Նիդեռլանդների ոստիկանությունը խոշոր ահաբեկչություն է կանխել երկրում
Նիդեռլանդների իրավապահ մարմինները ձերբակալել են յոթ մարդու, որոնց կասկածում են երկրի տարածքում խոշոր ահաբեկչություն նախապատրաստելու մեջ: Այդ մասին հայտնել է Associated Press գործակալությունը:
Խմբավորման պարագլուխը՝ 34-ամյա իրաքցին, պլանավորում էր մահապարտ ահաբեկիչների օգնությամբ ընդգրկուն ահաբեկչական գործողություն կազմակերպել բազմամարդ միջոցառումներից մեկի ժամանակ, ինչը կհանգեցներ մեծ թով զոհերի: Մեկ այլ վայրում ահաբեկիչները պլանավորում էին պայթեցնել պայթանյութով հանդերձված ավտոմեքենա: Իրավապահ մարմինները չեն բացահայտել այն տեղեկատվությունը, թե երբ եւ որտեղ պետք է հարվածը հասցնեին ահաբեկիչները: Նրանց ձերբակալել են Առնեմ եւ Վերտ քաղաքներում:
Քննիչների տվյալներով՝ ձերբակալությունները կատարվել են հետաքննության արդյունքում, որը ամիսներ է տեւել: Ընդգծվում է, որ հետաքննությունը շարունակվելու է, հաղորդել է «Ինտերֆաքս» գործակալությունը:
