«Տանը պետք է հարձակվել, հարձակվել, հարձակվել» Պոգբան՝ «Յունայթեդի» մարտավարության մասին
«Մանչեսթեր Յունայթեդի» կիսապաշտպան Պոլ Պոգբան խոսել է թիմի մարտավարության մասին «Վուլվերհեմթոնի» հետ հանդիպումից հետո (1:1):
««Վուլվերհեմթոնի» հետ մենք պետք է ավելի լավ խաղայինք: Տանը պետք է հարձակվել, հարձակվել, հարձակվել: Սա «Օլդ Թրաֆորդն» է: Մենք դուրս ենք գալիս՝ դաշտում հարձակվելու համար: Կարծում եմ, մրցակիցները վախենում են, երբ «Մանչեսթեր Յունայթեդը» հարձակվում է:
Դա մեր սխալն էր շաբաթ օրը: Մենք խաղացել ենք երեք խաղ տանը և վաստակել ենք ընդամենը չորս միավոր: Դա բավարար չէ: Թերևս, մենք պետք է ավելի լավ վերաբերմունք ցուցաբերենք, մենք պետք է ավելի լավ խաղանք, քանի որ «Օլդ Թրաֆորդում» մենք պետք է հարձակվենք և ճնշում գործադրենք, ինչպես արել ենք դա «Տոտենհեմի», «Լիվերպուլի», «Չելսիի» և «Արսենալի» հետ խաղերում նախորդ մրցաշրջանում: Մեզ համար ավելի հեշտ է, երբ մենք այդպես ենք խաղում»,- նշել է Պոգբան:
Սիրարփի Աղաբաբյան
