Նիկոլ Փաշինյանը մասնակցեց Երևանի ավագանու արտահերթ ընտրությունների քվեարկությանը

Երևանի ավագանու արտահերթ ընտրությունների քվեարկության մեկնարկից քիչ անց 8/16 ընտրատեղամասում քվեարկեց ՀՀ վարչապետ Նիկոլ Փաշինյանը:

«Այս ընտրությունները տարբերվելու են նրանով, որ քաղաքացին վստահ է, որ ընտրությունն ինքն է կատարելու և իր ձայնը չի գողացվելու»,- լրագրողներին ասաց վարչապետը:

«Ինչպե՞ս եք գնահատում նախընտրական քարոզարշավը»,- լրագրողի հարցին Նիկոլ Փաշինյանը պատասխանեց. «Այս ընտրարշավն իրական ընտրարշավ էր, և բոլոր ուժերը հասկանում էին,որ պետք է պայքարեն ամեն ձայնի համար, այդ թվում՝ իշխանությունը: Մենք նույնպես, որպես իշխանություն, հասկանում էինք, որ պետք է պայքարենք ամեն ձայնի համար: Ու երբ ասում են, որ կրքեր են բորբոքվում, ապա ցանկացած ընտրարշավի ժամանակ կրքեր են բորբոքվում: Կարծում եմ՝ սրանից հետո Հայաստանում ընտարշավից առաջ կրքեր են բորբոքվելու, որովհետև Հայաստանում ընտրություններն այսուհետ լինելու են իրական: Ոչ մի կաբինետում ընտրությունների արդյունքները գրված, դարակում դրված, կամ ԿԸՀ-ին, կամ ոստիկանությանը, կամ ԱԱԾ-ին փոխանցված չեն լինելու: Պետք է սովորել իրական ընտրությունների և իրական քարոզարշավի»,- նշեց վարչապետը:

https://www.facebook.com/armgovernment/videos/470090480143315/?__xts__[0]=68.ARCGEoOKB09kw0IZMmwoxeSQR7IZLa3TnBVEC1HZC5U1EUDQVw-pZmISL7l3rpoMt5GlJTuKULGCl2GbqvRspDly94LukmsULoODyBy23unO903iZkrzlJLFqGs2MfSoT_eZ8EU9CB-gM-ZtGM-RGdl9tMyhvVgc5oO-Wo7TPnR2n3Iek2qAUn-6aUwCxLUcM_–VrHVOsKdiV1XHK46eQYztIFVpi2XBrMJkv1RIMUs1JJB&__tn__=-R