Վթար Երևան-Իջևան ավտոճանապարհին
Սեպտեմբերի 22-ին, ժամը 12:34-ին «911» ծառայությանը տեղեկություն է հաղորդվել, որ Երևան-Սևան ավտոճանապարհին՝ թերակղզու մոտակայքում, տեղի է ունեցել ՃՏՊ, ավտոմեքենան շրջվել է. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Երևան-Իջևան ավտոճանապարհի 62-րդ կմ-ին «Mercedes E280» մակնիշի ավտոմեքենան (վարորդը՝ Ս. Մ., ծնված 1979 թ.) դուրս է եկել ավտոճանապարհի երթևեկելի հատվածից և շրջվել:
Փրկարարներն ուղղել են ավտոմեքենան, հոսանքազրկել և փակել գազի բալոնի փականը:
ՃՏՊ-ի հետևանքով տուժածներ չկան:
