Ի՞նչ պատժի կարժանանա Ռոնալդուն

ՈւԵՖԱ-ն կարգապահական գործ է հարուցել «Յուվենթուսի» հարձակվող Կրիշտիանու Ռոնալդուի նկատմամբ:

Չեմպիոնների լիգայի խմբային փուլի առաջին տուրի «Վալենսիայի» (2:0) դեմ խաղում մրցավար Ֆելիքս Բրիխը դաշտից հեռացրեց հարձակվողին: Ըստ մրցավարի՝ պորտուգալացի ֆուտբոլիստը հարվածել է Ջեյսոն Մյուրիլոյին: Այս որոշումը շատ քննարկվեց: Շատ-շատերը կարծում են, որ խախտում չկար, իսկ վերլուծաբանների մյուս մասն էլ նշում է, որ Ռոնադուն պետք է որակազրկվի 2 խաղով:

Գործը կքննարկվի սեպտեմբերի 27-ին ՈւԵՖԱ-ի կարգապահական և էթիկական հարցերով զբաղվող հանձնաժողովի կողմից: Այնուհետև որոշվելու է, թե քանի խաղով կորակազրկվի 33-ամյա ֆուտբոլիստը:

Չեմպիոնների լիգայում «Յուվենթուսը» հաջորդ խաղում կմրցի «Յանգ Բոյսի» հետ: Ռոնալդուն բաց կթողնի այս խաղը, բայց նա կարող է այլ խաղեր ևս բաց թողնել:

Սիրարփի Աղաբաբյան