«Արսենալը» կփորձի հաղթել Եվրոպայի լիգան, որպեսզի տեղ ստանա ՉԼ-ում». Մխիթարյան

Լոնդոնյան «Արսենալի» կիսապաշտպան Հենրիխ Մխիթարյանը մեկնաբանել է Եվրոպայի լիգայի խմբային փուլի առաջին տուրի խաղում ուկրաինական «Վորսկլայի» նկատմամբ տարած տնային հաղթանակը (4:2):

«Կարևոր հաղթանակ էր: Առաջին խաղակեսում մեզ համար մի փոքր դժվար էր, բայց լավ է, որ մենք խփեցինք մինչև ընդմիջման գնալը: Երկրորդ խաղակեսում ավելի հեշտ դարձավ այն բանից հետո, երբ «Վորսկլան» սկսեց ավելի շատ հարձակվել:

Էմերին 3 անգամ հաղթել է այս մրցաշարում, և դա շատ կարևոր է «Արսենալի» համար, որովհետև մենք այստեղ խաղում ենք հաղթելու համար: Դա շատ կարևոր է, որովհետև եթե դուք հաղթում եք, ապա տեղ եք ստանում Չեմպիոնների լիգայում: Դրա համար մենք կփորձենք հաղթել յուրաքանչյուր խաղ»,- Մխիթարյանին է մեջբերում ակումբի պաշտոնական կայքը:

Պատրաստեց Անի Գաբուզյանը