Իտալիայի Լիդո կղզում բացվել է Վենետիկի 75-րդ միջազգային կինոփառատոնը
Վենետիկի միջազգային կինոփառատոնը հոբելյանական 75-րդ անգամ օգոստոսի 29-ին բացվել է Իտալիայի Լիդո կղզում, տեղեկացնում է «Ինտերֆաքս»-ը: Կարմիր ուղեգորգով անցել են փառատոնի մասնակիցները, հյուրերը, ժյուրիի անդամները:
Բացմանը ցուցադրվել է ամերիկացի ռեժիսոր Դեմիեն Շազելի «Մարդը Լուսնի վրա» (First Man) նոր գործը: Աստղանավորդ Նիլ Արմսթրոնգի (1930 – 2012) դերում Ռայան Գոսլինգի մասնակցությամբ կինոնկարը պատմում է Լուսին աստղանավորդի թռիչքի մասին: Փառատոնի մասնակցների թվում են նաեւ Քոեն եղբայրները, Ալֆոնսո Կուարոնը, որոնք նույնպես կհավակնեն պարգեւների:
Ընդամենը հիմնական մրցույթին մասնակցում է 21 կինոժապավեն, միջազգային ժյուրին գլխավորում է Գիլիերմո դել Տորոն: Կինեմատոգրաֆի բնագավառում ներդրած ավանդի համար պատվավոր «Ոսկե առյուծներ» են շնորհվել կանադացի ռեժիսոր Դեւիդ Քրոնենբերգին եւ բրիտանացի դերասանուհի Վանեսա Ռեդգրեյվին:
Հոբելյանական փառատոնի նշանակալից իրադարձությունը կդառնա դրա պատմությանը նվիրված ցուցահանդեսը: Որպես հարթակ կծառայի Des Bains պատմական հյուրանոցը, որը բացվել է երկարատեւ վերակառուցումից հետո
