Չինաստանում ամառային հեղեղումներից վնասը գնահատել են գրեթե 4 մլրդ դոլար
Չինաստանում այս տարվա ամռանը թայֆունների եւ հորդառատ անձրեւների առաջացրած հեղեղումներից վնասը գնահատվում է 25,9 մլրդ յուան կամ 3,8 մլրդ դոլար: Այդ մասին հայտնել է China Daily չինական անգլալեզու թերթը:
Ամենից շատ տուժել է Շանդուն արեւելյան նահանգը, որի տնտեսությանը 10 մլրդ յուանի (1,45 մլրդ դոլար) վնաս է պատճառվել, ասված է հաղորդագրության մեջ:
Ընդամենը նահանգում հեղեղումների ընթացքում վտանգավոր շրջաններից տարհանվել են հարյուր հազարավոր բնակիչներ, հաղորդել է «Ինտերֆաքս»-ը:
