Ինչի՞ վրա է ծախսվել հիբրիդային պայքարի համար ԵՄ-ի տված փողը. ԱԳՆ-ի պատասխանը պատգամավորին
ՀՀ ԱԺ «Հայաստան» խմբակցության պատգամավոր Արթուր Խաչատրյանը տվյալներ է հայտնել Հայաստանի դեմ մղվող «հիբրիդային պատերազմում» սպառնալիքներին դիմակայելու համար ԵՄ–ի խոստացած 12 մլն եվրոյի ծախսերի վերաբերյալ։
Խաչատրյանը նշել է, որ ապրիլի 30-ին հարցում է ուղարկել ՀՀ վարչապետի աշխատակազմի ղեկավար Արայիկ Հարությունյանի անունով` պարզելու, թե ինչպես են ծախսվել կամ ծախսվելու այդ գումարները։
ՀՀ–ում որոշ ԶԼՄ–ներ և բլոգային նախագծեր հայտնվել են «հակահիբրիդային պատերազմի» արկերի տակ
Հարցման մեջ ընդդիմադիր պատգամավորը խնդրել է ներկայացնել տրամադրվելիք աջակցության նախահաշիվը` ըստ ծախսային հոդվածների, հետաքրքրվել է նաև, թե գումարի որ մասն է արդեն ծախսվել։
Խաչատրյանին պատասխանել են ոչ ՀՀ արտգործնախարարությունից։
«ԵՄ–ի ընդլայնման քաղաքականության հարցերով բարձր հանձնակատար Մարթա Կոսի հայտարարության ընթացքում նշված գումարը ըստ ԵՄ կողմի, այս պահին տրամադրվել է ուղղակիորեն։ Այդ գումարների մի մասը տրամադրվել է Կենտրոնական ընտրական հանձնաժողովի կարողությունների խթանմանը` «Արտեմիս» ծրագրի միջոցով (գումարը Հայաստանի Հանրապետության կառավարությանն ուղղակիորեն չի տրամադրվել)։ Գումարն ուղղվել է նաև ոչ կառավարական կազմակերպությունների, տեղեկությունների ստուգման հարթակների և անկախ լրագրողների կարողությունների խթանմանը` հիբրիդային սպառնալիքների նկատմամբ դիմակայության ամրապնդման նպատակով»,– ասված է ԱԳՆ պատասխանում։
Արթուր Խաչատրյանին վրդովվեցրել է այն, որ իր հարցերին հստակ պատասխաններ չեն եղել, թե ում, որքան և ինչի համար են եվրոպացիները գումարներ հատկացրել։
Հիշեցնենք` 2026–ի ԱԺ ընտրություններին ընդառաջ ԵՄ–ն պատրաստվում էր 12 միլիոն եվրո աջակցություն տրամադրել Հայաստանին՝ օտարերկրյա տեղեկատվական մանիպուլյացիայի և միջամտության դեմ պայքարի և կիբեռանվտանգության համար։ Ըստ ԵՄ ընդլայնման հարցերով հանձնակատար Մարթա Կոսի` աջակցության նպատակն է բարձրացնել հայաստանյան ինստիտուտների կարողությունները՝ կանխատեսելու և արձագանքելու հիբրիդային սպառնալիքներին:
