Հայտնի է՝ ով կգլխավորի «Չելսին» և նշանակման մոտավոր ժամկետը
Լոնդոնյան «Չելսին» իսպանացի մարզիչ Խաբի Ալոնսոյի հետ պայմանագրի ստորագրումը համարում է առաջնահերթ տարբերակ: Այս մասին հայտնել է լրագրող և ինսայդեր Ալեքս Քրուքը՝ հղում անելով talkSPORT-ի լրագրող Բեն Ջեյքոբսի տեղեկություններին։
Աղբյուրի համաձայն՝ Ալոնսոն ինքը բաց է Պրեմիեր լիգայում աշխատանքի համար։ Ակումբը, ըստ լուրերի, հույս ունի նոր մարզիչ նշանակել մինչև Աշխարհի առաջնությունը։ Լոնդոնյան ակումբը դիտարկում է նաև այլ թեկնածուների, որոնց թվում են Անդոնի Իրաոլան («Բորնմութ»), Օլիվեր Գլասները («Քրիստալ Փելաս»), Ֆիլիպե Լուիսը («Ֆլամենգոյի» նախկին մարզիչ) և Մարկո Սիլվան («Ֆուլհեմ»)։
Պրեմիեր լիգայի 36 խաղից հետո լոնդոնյան ակումբը 49 միավորով զբաղեցնում է մրցաշարային աղյուսակի իններորդ հորիզոնականը։ Լիամ Ռոսենյորի հեռացումից հետո Քալում Մաքֆարլեյնը նշանակվել է ժամանակավոր գլխավոր մարզիչ։
