Կարվախալն ու Մորատան չեն մասնակցի 2026 թվականի աշխարհի առաջնությանը
«Ռեալ Մադրիդի» պաշտպան Դանիել Կարվախալը և «Կոմոյի» հարձակվող Ալվարո Մորատան բաց կթողնեն 2026 թվականի Աշխարհի առաջնությունը, քանի որ դուրս են մնացել Իսպանիայի հավաքականի մարզիչ Լուիս դե լա Ֆուենտեի ընդլայնված՝ 55-հոգանոց հայտացուցակից։ Այս մասին հաղորդում է AS պարբերականը:
Աղբյուրի փոխանցմամբ՝ որոշումն արդեն կայացված է և, ենթադրաբար, այն կմնա անփոփոխ: Դե լա Ֆուենտեն երկար ժամանակ ուշադիր հետևել է Կարվախալին և Մորատային, սակայն նրանց վատ մարզավիճակի և վնասվածքների բարձր մակարդակի պատճառով նրանց չի ներառել ցուցակում՝ նախապատվությունը տալով այն խաղացողներին, ովքեր իրենց ակումբներում ավելի լավ դիրքերում են գտնվում։
Հաղորդվում է, որ Իսպանիայի հավաքականի վերջնական կազմը կհրապարակվի մայիսի 25-ին։
