Չեմ կարող պատկերացնել, որ Իրանի ուղարկած նոր ծրագիրը ընդունելի կլինի․ Թրամփ
Չեմ կարող պատկերացնել, որ Իրանի ուղարկած նոր ծրագիրը ընդունելի կլինի: Այս մասին Truth Social-ի իր էջում գրել է ԱՄՆ նախագահ Դոնալդ Թրամփը։
«Ես շուտով կվերանայեմ այն ծրագիրը, որն Իրանը նոր է ուղարկել մեզ, սակայն չեմ կարող պատկերացնել, որ այն ընդունելի կլինի, քանի որ նրանք դեռևս բավականաչափ մեծ գին չեն վճարել այն ամենի համար, ինչ վերջին 47 տարիների ընթացքում արել են մարդկության և աշխարհի նկատմամբ»,- գրել է Թրամփը։
Հիշեցնենք, որ Իրանի իշխանությունները ԱՄՆ-ին են փոխանցել 14 կետից բաղկացած փաստաթուղթ, որով պահանջում է չհարձակվելու երաշխիքներ, ամերիկյան զորքերի դուրսբերում հարակից տարածքներից, ծովային շրջափակման վերացում, ինչպես նաև սառեցված իրանական ակտիվների ապասառեցում:
