Չինաստանի նախագահը կոչ է անում վերաբացել Հորմուզի նեղուցը
Չինաստանի նախագահ Սի Ծինփինը հայտարարել է, որ «Հորմուզի նեղուցը պետք է բաց մնա երթևեկության համար»:
Երեկ Սաուդյան Արաբիայի թագաժառանգ արքայազն Մոհամեդ բին Սալմանի հետ հեռախոսազրույցում Չինաստանի ղեկավարը համոզմունք է հայտնել, որ Հորմուզի նեղուցի վերաբացումը կբխի «տարածաշրջանի երկրների և միջազգային հանրության ընդհանուր շահերից»:
Սի Ծինփինի մեկնաբանությունները հաջորդել են ամերիկյան նավատորմի կողմից TOUSKA բեռնանավի առգրավմանը, որը Չինաստանից էր վերադառնում Իրան:
Չինաստանի արտգործնախարարության խոսնակը երեկ մտահոգություն էր հայտնել նավի առգրավման կապակցությամբ և վերահաստատել Պեկինի պաշտոնական դիրքորոշումը, որը ջանքեր է գործադրում Իրանի շուրջ դեէսկալացիայի ուղղությամբ:
