Պենտագոնում աճում է հակամարտությունը Հեգսեթի և ԱՄՆ բանակի նախարարի միջև
Պենտագոնի ղեկավար Փիթ Հեգսեթի և ԱՄՆ բանակի նախարար Դեն Դրիսկոլի միջև հարաբերությունները, որոնք շատերը սկզբում որակում էին որպես լարված, ի վերջո վերածվեցին բացահայտ հակամարտության, հաղորդում է Wall Street Journal-ը՝ հղում անելով իրավիճակին ծանոթ աղբյուրներին։
Ըստ թերթի՝ առաջին լուրջ լարվածությունը ծագել է Դրիսկոլի՝ Պենտագոն ժամանելուց անմիջապես հետո՝ 2025 թվականի սկզբին։ Այնուհետև նա առաջարկել է հանդիպում կազմակերպել ԱՄՆ նախագահ Դոնալդ Թրամփի, փոխնախագահ Ջեյ Դի Վենսի և զինվորականների միջև՝ ռազմական բարեփոխումները քննարկելու համար, սակայն Հեգսեթը կտրուկ ընդհատել է նրան և հստակեցրել, որ ինքն է որոշումներ կայացնում գերատեսչությունում։
«Հեգսեթը բարձրացրել է ձայնը՝ Դրիսկոլին ասելով, որ գլխավորը հենց ինքն է, և հրամայել է նրան չչարաշահել իր լիազորությունները»,- նշում է թերթը՝ նկարագրելով երկուսի միջև առաջին հակամարտություններից մեկը։
