ԱՄՆ պատժամիջոցների տակ գտնվող չինական լցանավը անցել է Հորմուզով
Չինաստանի հետ կապված լցանավը, որը գտնվում է ամերիկյան պատժամիջոցների տակ, անցել է Հորմուզի նեղուցով՝ չնայած Վաշինգտոնի կողմից նեղուցի շրջափակմանը: Այս մասին հաղորդում է Bloomberg գործակալությունը:
ԱՄՆ Կենտրոնական հրամանատարությունը (CENTCOM) երկուշաբթի երեկոյան սկսել է Հորմուզի նեղուցի շրջափակումը՝ կատարելով ԱՄՆ նախագահ Դոնալդ Թրամփի հրամանը Վաշինգտոնի և Թեհրանի միջև բանակցությունների ձախողումից հետո։
«Չինաստանի հետ կապված և ԱՄՆ պատժամիջոցների ենթարկված լցանավը Հորմուզի նեղուցից ուղևորվել է Օմանի ծոց»,- գրում է գործակալությունը։
