Սյունիքում քարաթափման հետևանքով ճանապարհը դարձել էր միակողմանի երթևեկելի
Մարտի 28-ին, ժամը 18։41-ին Սյունիքի մարզային օպերատիվ կառավարման կենտրոն ահազանգ է ստացվել, որ Լծեն գյուղի վերևի հատվածում՝ ավտոճանապարհին, քարեր են թափվում։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարար ծառայության հաղորդմամբ, պարզվել է, որ Սիսիան-Լծեն-Տաթև ավտոճանապարհի 36-րդ կմ-ին տեղի է ունեցել քարաթափում, ինչի հետևանքով ճանապարհը դարձել է միակողմանի երթևեկելի։
Փրկարարները հեռացրել են քարերը․ երթևեկությունը երկկողմանի վերականգնվել է։
