Չնայած Իրանի և ԱՄՆ-ի միջև բանակցությունների մեկնարկին, հակամարտությունը կարող է ձգձգվել. Մեծ Բրիտանիա
Մեծ Բրիտանիայի վարչապետ Քիր Սթարմերը հայտարարել է, որ ողջունում է Մերձավոր Արևելքում շարունակվող հակամարտության ֆոնին ԱՄՆ-ի և Իրանի միջև բանակցությունների մասին հաղորդագրությունները, գրում է Sky News-ը։
«Մենք տեղյակ ենք եղել, թե ինչ է կատարվում։ Անհապաղ առաջնահերթությունը պետք է լինի հակամարտության հնարավորինս արագ կարգավորումը և բանակցային համաձայնագրի հասնելը, որը Իրանի համար կոշտ պայմաններ կսահմանի, մասնավորապես՝ միջուկային զենքի հարցում»,- նշել է նա։
Սթարմերը հայտարարել է, որ անհրաժեշտ է «պատրաստվելու նրան, որ հակամարտությունը կարող է ձգձգվել ավելի երկար, քան ի սկզբանե կանխատեսվում էր»։
«Հակամարտության հենց սկզբից ես իմ թիմին հստակորեն հասկացրել եմ, որ մենք չպետք է ընկղմվենք կեղծ հարմարավետության զգացողության մեջ՝ մտածելով, որ այն անպայման արագ և անցավ կավարտվի։ Մենք պետք է ամեն ինչ պլանավորենք՝ ելնելով նրանից, որ դա կարող է տեղի չունենալ»,- հավելել է նա։
