Forbes-ի ամենահարուստ մարդկանց ցուցակում 2 վրացի կա
Forbes-ը թարմացրել է աշխարհի ամենահարուստ մարդկանց ցանկը։ Վարկանիշային աղյուսակում կա 2 վրացի՝ Բիձինա Իվանիշվիլին և Միխեիլ Լոմթաձեն։ Այս մասին գրում է aliq.ge-ն։
Forbes-ի տվյալներով՝ վերջինիս կարողությունը 3 անգամ գերազանցում է «Վրացական երազանք»-ի հիմնադիր և պատվավոր նախագահ Իվանիշվիլիի կարողությունից։
50-ամյա Լոմթաձեն՝ 6 միլիարդ դոլար կարողությամբ, Forbes-ի վարկանիշային աղյուսակում զբաղեցնում է 694-րդ տեղը, իսկ 70-ամյա Բիձինա Իվանիշվիլին՝ 2.7 միլիարդ դոլար կարողությամբ՝ 1560-րդ տեղը։
Forbes-ի տվյալներով՝ Լոմթաձեի եկամտի հիմնական աղբյուրը ֆինանսական տեխնոլոգիաներն են, իսկ Իվանիշվիլիինը՝ ներդրումները։
