Հայաստանում Գերմանիայի դեսպանն այցելել է Հայոց ցեղասպանության թանգարան-ինստիտուտ
Հայաստանի Հանրապետությունում Գերմանիայի Դաշնային Հանրապետության դեսպան Կլաուդիա Բուշն այցելել է Հայոց ցեղասպանության թանգարան-ինստիտուտ. այս մասին հայտնում է ՀՀ-ում Գերմանիայի դեսպանությունը՝ «Ֆեյսբուք»-ի գրառմամբ։
«Գերմանիան պատմական պատասխանատվություն է կրում Հոլոքոստի համար: Այս քաղաքակրթական խզումը հիշատակելը ու ապագային միտված հիշողության մշակույթի ձևավորումը շարունակում են մնալ բոլոր սերունդների հանձնառությունը»,-նշել է դեսպան Բուշը:
Դեսպանության փոխանցմամբ՝ նա նաև ընդգծել է, որ Հայաստանն ու Գերմանիան կարևոր ներդրում ունեն Հայոց ցեղասպանության զոհերի հիշատակը հարգելու գործում՝ աջակցելով թանգարանային նոր ուղեցույցի և աուդիոգիդերի գերմաներեն տարբերակների ստեղծմանը:
