Եվրամիությունն ու Հնդկաստանը պատրաստվում են կնքել «մայր գործարքը». BBC
Եվրոպական խորհրդի նախագահ Անտոնիո Կոշտան և Եվրոպական հանձնաժողովի նախագահ Ուրսուլա ֆոն դեր Լայենը կլինեն հաջորդ երկուշաբթի կայանալիք Հնդկաստանի Հանրապետության օրվա տոնակատարության գլխավոր հյուրերը, տեղեկացնում է BBC News-ը։
Պետական ընթրիքներից և միջոցառման հանդիսավոր շուքից բացի, երկու առաջնորդների օրակարգում կլինի ավելի հրատապ հարց՝ Ասիայի երրորդ խոշոր տնտեսության հետ ազատ առևտրի շուրջ բանակցությունների առաջմղումը:
Սա տեղի է ունենում Եվրոպայի համար հատկապես բարդ աշխարհաքաղաքական պահի, երբ նախագահ Դոնալդ Թրամփը սպառնացել է սրել առևտրային պատերազմը եվրոպական դաշնակիցների հետ՝ ԱՄՆ-ի՝ Գրենլանդիային տիրանալու մտադրությանը դիմադրելու պատճառով:
Այս դաշինքը կդառնա վերջին չորս տարում Հնդկաստանի կնքած ազատ առևտրի իններորդ համաձայնագիրը՝ հաջորդելով Մեծ Բրիտանիայի, Օմանի, Նոր Զելանդիայի և այլ երկրների հետ կնքված գործարքներին:
