Պակիստանը և Ռուսաստանը աշխատում են գազատարի նախագծի վրա
Պակիստանը և Ռուսաստանը շարունակում են աշխատել «Պակիստանյան հոսք» գազատարի նախագծի վրա, ՌԻԱ Նովոստիին ասել է Ռուսաստանում Պակիստանի դեսպան Ֆեյսալ Նիազ Թիրմիզին։
Ավելի վաղ Պակիստանի էներգետիկայի նախարար Սարդար Լեգհարին ՌԻԱ Նովոստի հետ զրույցում ասել էր, որ Իսլամաբադը և Մոսկվան գտնվում են «Պակիստանյան հոսք» գազատարի նախագծի քննարկման սկզբնական փուլում։
«Այս նախագիծը շարունակում է մնալ չափազանց կարևոր։ Մենք շարունակում ենք աշխատել դրա վրա, բայց այն կարող է որոշ ժամանակ պահանջել»,- ասել է դիվանագետը։
